.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ ما يوفيهم قصيد ]| ..

:: -------------------------------------- ::

يـا قصيـدي خنتنـي يـومـي عنـيـت ..
مـن رحــل مكـتـوم والله ارتجـيـك ..
.
.
ودي اكتـب فـي رحيلـه الـف بيـت ..
لـيـه تتركـنـي وانـــا وجـــدي يـبـيـك
.
.
وثاني مره ..بكل صراحه استحيت ..
يوم مـات ابـن المنامـه كيـف اجيـك؟؟
.
.
قلت ابسكـت دامـك انتـه مـا بغيـت ..
بـــس هـــذا الـيــوم والله افتديـك
.
.
ارتجيـك واقسـم انــي لــك بكـيـت ..
يــا قصـيـدي لبـنـي يــوم انتـخـيـك ..
.
.
سامحينـي يـا حروفـي لـو شكـيـت ..
يا دموعي اسمحـي لـي بـ اشتكيـك..
.
.
حـزن زايـد ساكـن ٍ بـك مـا نسيـت ..
والفـهـد حـزنـه بـعـد مـرسـوم فـيــك
.
.
عظـم الله اجـرنـا واجــر الكـويـت ..
يـا كويـت شلـون حـزنـي يحتـويـك؟؟’
.
.
القصايـد لــو تـوّفـي لــك سخـيـت ..
ليتـهـا بــس ليتـهـا تخـفـف عـلـيـك ..
.
.
يــا إلــه الـكـون يالـلـي ارتـجـيـت ..
وحـدك الحاكـم ولا لحكـمـك شـريـك
.
.
يـا إلــه الـكـون معـطـي لاخـذيـت ..
ارحــم الـلـي مـــن عـبــادك يلتـقـيـك
.
.
آه لــو انـهـا بتنفـعـنـي " يـالـيـت " ..
يـا قصيـدي " ليتنـي " يــوم ارتجـيـك
.
.
ابتعـدت ورحـت بالحـزن التهـيـت ..
قـبـل لا تجعلـنـي بـالـدمـع انتـهـيـك؟؟

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي