.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ أضيع بـ عطورك ]| ..

:: -------------------------------------- ::

غايب وحاضر في غيابك غيابك ..
وان جيت غايب في حضورك حضورك
.
.
ما ملني شوقي على جال بابك
ولا ماتت النظرة على حد سورك
.
.
يكفيني أنى في غيابك أهابك ..
أخاف لا يفجع خفوقي ظهورك ..
.
.
يا ما و يا ما صحت أناجى سرابك ..
حتى سرابك فاقد ٍ بعض نورك
.
.
لكنه اهوّن من ملامح عتابك ..
و اهون من اللي صابني من غرورك
.
.
قلبي بظلمك يا حبيبي رضى بك ..
إلين ما حطمت نبضه بـجورك..
.
.
ورغم الجروح يصيح لك يا هلا بك !
ما يقدر العصيان و الشور شورك..
.
.
ما شفتني لا جيت فاقد صوابك ..
ودك تبعثرني وأضيع بعطورك
.
.
وان ضاع حرفي وانتهى في كتابك ..
تلقى عيوني ضايعه في سطورك
.
.
إلين ما ينسى فؤادي عذابك
أو لين ما يكتب غيابك حضورك

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي