.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ بقايا حنتي ]| ..

:: -------------------------------------- ::

مليت من شوقـــي وكثرة حنيني ..
تعبت اسائل نفـسي وشهي الاجابه
.
.
حتى بقايا ( حنـــتي ) في يدينـــي ..
تنشد عن اللي ما رحــــــمني غيابه
.
.
أصد عنه وظـــني انه يــــــجيني !!
وأشوف طيفه أحسب الشوق جابه
.
.
وأقول جاني ســـيدي نور عــــيني ..
اثره حنيني راسم ٍ لي ســــــــــــرابه
.
.
عجزت ابين ما جرى اليوم فينــي !!
جرح ٍ في قلـــــــــــــبي زايد ٍ بي عذابه
.
.
أكتب بشوقي فوق راحة يمينــــي ..
دامك تبي لي الحــــــــــزن قلبي رضابه
.
.
الدمع يفظحني ويكشف ونيني ..
ويـــمسح بقايا حنـــــــــتي والكتابه
.
.
ان كان قلبك يا حياتي يبـــــــيني ..
يعرف مكـــــــــاني ( واقفه عند بابه)
.
.
وان ضاع عمري وانتهت بي سنيني ..
بقول يفداك العــــــــــــمر يا شبابه
.
.
مليت اداري لوعتي من حـــــــنيني ..
وعجزت ادور في عيونــــــــــك أجــــــابه

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي