.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ طلة عيونك ]| ..

:: -------------------------------------- ::

الصبح : ما هو طلعت الشمس للكون!! ..
واليوم ما هو يوم لو مر دونك ..
.
.
تدري لو ان الامر بيدي (وش يكون)؟
تعلن صباح الناس : طلة عيونك ..
.
.
يعني بخلي هالزمن شبة مجنون ..
يشبه جنونه يا حبيبي جنونك ..
.
.
ان جيت صار الكون (شاكر وممنون )
وان غبت نسمات الصبح يحترونك ..
.
.
خل الخلايق كلهم بس يدرون ..
انك في قلبي (ما قدروا يبعدونك)
.
.
تبقى وقلبي باقي ٍ معك مرهون ..
أعرف عيوني (بالرضا) يرهنونك ..
.
.
ما تشغلك عني تفاهات وظنون ..
ولا يغرك لو بغوا يعشـــــــقونك ..
.
.
اغرب شعور .. انك لهالقلب مضمون ..
وانا ارتبك لما تقل لي : شلونك ؟؟
.
.
حبك فنون جنون وجنونك فنون
أنا أعرفك والبشر يجـــــــهلونك ..
.
.
وشلون قلبي يقدر يخون وشلون؟؟
وشلون اخونك والمشاعر يبونك؟؟
.
.
ملعون من فكر يخليك ملعون ..
ومجنون من وده يودع عــــــيونك..

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي