.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ كل عام وإنت يالغالي سعيد ]| ..

:: -------------------------------------- ::

كل عام ٍ وانت يالغالي سعيد
كل عام ٍ وانت نبضي وانا لك ..
.
.
يا " غريبي " إذكر " الفجر البعيد "
كيف أقسى ؟ كيف ابعد ؟؟بسألك !!
.
.
من عرفتك وانت لي عمر ٍ جديد..
كيف مثلي يا حبيبي يجهلك !!؟
.
.
كل لحظه .. شوق قلبي لك يزيد
اسرح بفكري .. ودووووم اتخيلك ..
.
.
اعرف عيوبك .. وأعرف انك عنيد
وبـ عنادك يا حبيبي بـ اقبلك !!
.
.
يكفي انك صرت في كوني وحيد ..
نصبّك قلبي على عرشه .. ملك !!
.
.
فـ ذكرى ميلادك عسى عمرك مديد
وفـ عامك المقبل حبيبي بـ أذهلك !
.
.
وعيدك مبارك قبل قلبي يعيد..
نفس غلطاته .. وتبعد .. وأزِعلك !!
.
.
دامها فرصة انا قلت استفيد ..
عيدك مبارك وبارك لي لـ هلك !!
.
.
واحد اكتوبر .. ترى هاليوم عيد ..
ورابع الأعياد .. يوم اصير لك !
.
.
وقبل تزعل اسمع الحكي الاكيد ..!!
لا تظن بيوم اني اخــــــذلك ..

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي