.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ عنودك ناجحة ]| ..

:: -------------------------------------- ::

من منطلق حكيك معاي البارحه ..
ومن منطلق ليل ٍ قضيته دونك ..!
.
.
قد شفت مجروح ٍ يقول لجارحه :
( إجرحني أكثر ) يا فديت طعونك !!
.
.
كانت شروطك يا حبيبي واضحه ..
وانا قبلت إبها عشان عيونــــك !!
.
.
لو كان غيرك يتّهم ما اسامحه !!
لا شك حبك شافع ٍ لظنـــــــونك..
.
.
قلبك ترى هالحكي مو في صالحه !!
لو ما اصونك .. منهو اللي يصونك؟؟
.
.
اسمك حبيبي يملـــى كل اللايحه !!
لا تفتكر .. والله ما يسوونك !!..
.
.
إعرف تراني للخطايا دامحــــــه !!
ماني مثل غيري أثير جنوونك ..
.
.
شف وجهي اللي ذبت في ملامحه..
اطهر من اللي للقهر يدعونــك !!
.
.
ما شفت دمعاتي كذا لك طايحه
تحلف احبك ما قدرت اخووونك ..
.
.
انا ( معك ) .. يعني انا بك ( رابحه ) ..!
وانت معي ( رابح ) لأني عونــــك!!..
.
.
وشفيها يعني لو ( عنودك ) ناجحه؟؟
خل البشر مع سيرتي يطرونك !!

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي