.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ الشيخ : سلطان بن سحيم آل ثاني ]| ..

:: -------------------------------------- ::

لحظه .. جماعة إسمعوني شوية ..
هذي قصيدة ماهي بأية قصيده ..!
.
.
هذي مشاعر من عنـود الوفية!! ..
والفكرة أقدر أعتبرها جديده ..
.
.
كيفي .. قصيدي وآنا حرة أبية..
عودت حبري يكتب اللي اريده ..
.
.
ما جيت اهايط لجل الاقي عطية ..
لأن الشعر إنته تزيد رصيده ..
.
.
سلطان يا أبن سحيم هذي هدية ..
يا قمة المجد وسناة وعميده..
.
.
المجد يرقى بك وتبقى سمية ..
المدح ما زادك وفعلك يزيده ..
.
.
تدري يا شيخ ! وربي شاهد علية ..
لقيت في وصفك مزايا عديده ..
.
.
الوافي اللي ما تناسى خوية ..
والصادق اللي كل خصالة حميده..
.
.
والشاعر اللي له قصايد قوية ..
بسمك تصير أبيات شعري شديده ..
.
.
يا راعي الطولات يا اصل الحمية ..
يا من يضم المجد بأحضان إيده ..
.
.
هذي القصيدة أعتبرها شوية !!
وشلون توفي في قصيدة .. قصيدة ..؟؟

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي