.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ قبل يدينك ]| ..

:: -------------------------------------- ::

لا شفت مالك فالمقـــابيل طاري ..
خلك على حالك وقبل يدينك
.
.
ولاشفت قلبي تالي الوقت ساري ..
انسى حنيني لو يهزك حنينك
.
.
من قال راع العشق بايع وشاري ..
كذاب ما يعرف مزايا ضنينك
.
.
مابيك تستسلم وشوف انتصاري ..
من بعد عينك اه من بعد عينك
.
.
صحيح بعدك أجوف الليل عاري ..
متكتف ٍ يهمس أيا حظ وينك؟
.
.
ادري حبيبي والبلا كنت داري ..
اني مع الأيام بصبح سجينك
.
.
واني بطول الوقت بترك مداري ..
وبرجي عيوني ما تسبب ونينيك
.
.
لا صار حالي يا حبيبي انتحاري ..
ابيك تقسى ما ابي يبان لينك
.
.
لابد يهدى الحال بعد الطواري ..
وازّين اللي باقي ٍ من سنينك
.
.
ولا شفت مالك فالمقابيل طاري ..
قبل يمينك ! ايه .. قبل يمينك!

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي