.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ باقي الأبجدية ]| ..

:: -------------------------------------- ::

لبيه يا حرف ٍ كتبته وخوّن ..
خلى عيوني وإستراح بـ عيونك ..
.
.
لا ما كتبته .. هو كتبني وهوّن
ثم ٍ تركني آتلوى بدونك ..
.
.
أنا اذكره من يوم قبل يتدوّن
بس إنتظر باقي حروفي يجونك
.
.
لأنه وحيد وما يعرف يتلوّن
تحتاج باقي الأبجدية جنونك
.
.
لا ما ذكرت إن المشاعر تروّن
بس اذكر إني كنت احقق ظنونك
.
.
وما كانوا عيوني عليك يتقوّن
أهزم عيوني لو بغوا يهزمونك
.
.
ليه الظنون اللي أبد ما تسوّن
أموت لجلك والمشاعر يبونك
.
.
لو الظلوع إللي بصدري تكوّن
أشق صدري وآتلذذ طعونك

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي