.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ أوجاع الخطية ]| ..

:: -------------------------------------- ::

حبيبي جيت لك أحمل خطايا
ونفسي من خطايانا بريـّه ..
.
.
رفعت العين ناظرت المرايا
على كتفي حمول ٍ مو شويه..
.
.
حبيبي وش بيدّي من سوايا
بعد ما خوّن الإحساس بيـه
.
.
شكيت وما لقيت أحد ٍ معايا
يدثرني من أوجاع الخطيــه
.
.
جفوني كل ربعي وأصدقايا
وصارت دنيتي منهم خليه
.
.
منعت النفس عن سبة شقايا
وأثاري هالشقا لزم ٍ عليه
.
.
ألا يا رب علام النوايا
متى يارب ترحمني المنيه
.
.
وتاخذني وأحلق في سمايا
تراني في حياتي مبتليه ..
.
.
انا اللي ما جنيت من الخطايا
سوى حزن ٍ ملى نفس ٍ شقيه

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي