.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ يا كرامتنا ]| ..

:: -------------------------------------- ::

ما سألتوا قلبي الذابل علامه؟
ليه خاضع ليه غارق بالضنون ؟
.
.
يا كرامتنا بتهدينا كرامه؟
في زمان ٍ حالف إنا ما نكون
.
.
إستباحوا قدسنا وألغوا سلامه
قبل ما نبني يجونا يهدمون
.
.
عندكم مسجد علا برجه إمامه
إهدموه وما بقى منه ركون
.
.
وعندكم ليل ٍ خذوا حتى ظلامه
دسوا بوسطه ملايين العيون
.
.
وعندكم شايب خذوْا منه كلامه
وإسئلوا عن ما بحياته يفعلون
.
.
وعندكم بنت إبصموا فيها علامه
كانت العفه قبل تتخاذلون !!
.
.
وعندكم رجّال هالموقف أمامه :
إذبحوا ولده وبناته يصرخون
.
.
يومهم قالوا أسامه يا أسامه ..
وينهم بس وينهم لي يسمعون؟
.
.
منهو أعطاهم ولو بعض إهتمامه؟
منهو واسى جرحهم ولا الطعون؟
.
.
وينهم أهل الكرم وأهل الشهامه؟
من على الشدات للمحتاج عون
.
.
من حدود المغرب إلين المنامه
كم دوله يا عربنا تملكون؟
.
.
حكمكم للغرب سلمتوا زمامه
إسلبونا الأرض وإنتوا تضحكون
.
.
كم شهيد وكم من بعده يتامه
من بيحميهم إليما يكبرون ..
.
.
يهدمون القدس ونشاهد حطامه
يذبحون الناس وانتوا تنظرون؟؟!
.
.
دام قلبي ما سألتوني علامه
إتركوني غارقه وسط الظنون
.
.
ما جنينا من الصبر غير الندامه
ولا لقينا من العقل غير الجنوون !!

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي