.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ الشيخ : جوعان بن حمد آل ثاني ]| ..

:: -------------------------------------- ::

شفت الفخر في عين كل الجماهير
وإثر الفخر حاضر مع الشيخ جوعان
.
.
إنسان أحس بداخله يحتضن خير ..
إنسان .. لا وش قلت انا .. مو بس إنسان..
.
.
الإنسان يتعب من مجاراه للغير ..
وجوعان ما يتعب على مر الأزمان
.
.
فيه التواضع غير قابل لتغيير ..
فيه الكرم والجود والعطف وإحسان
.
.
وفي نظرة عيونه عزوم المشاهير ..
اللي بنوا بيدينهم عز الأوطان ..
.
.
لا ما اقدر اني اوصفه بالتعابير ..
سلطان إبن سلطان من نسل شجعان..
.
.
من حقنا .. كل الدول مننا تغير ..
نمسي ونصبح في وطن أمن وآماان..
.
.
يسطر التاريخ فعله أساطير ..
راعي الوفا نسل الكرم يا كحيلان
.
.
تستقبلك ارض الكرم بالنواوير
يا حامل ٍ شعلة هل الجود نيشان
.
.
اللي تبيه يصير لو قلت له صير
حكمة ذكاء اسلوب متقن بإتقان
.
.
تذكير مني يا قطر بس تذكير..!!
هالشبل من ذاك الاسد عالي الشان
.
.
من غير أي تفكير ومن غير تفسير !!
فارس وصار لمجدنا خير عنوان ..
.
.
لا جيت أبذكر طاري ٍ له وبالخير..
الخير كله يمطر بذكر جوعااان ..

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي