.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ نيفرتيتي .. وحشتيتي ..!! ]| ..

:: -------------------------------------- ::

.
(ياساكن في وسط عيني وقلبك (صارلي) بيتي
ألا يامالك حروفي ألا ياملهم افكاري)
.
.
ترى هالبيت متكرر احسه ماهو ببيتي
ولا الاسلوب اسلوبي ولا هذي هي اشعاري
.
.
عنود شفيج خرّفتي على هالحال تميتي
ابي حبه ابي قربه ولا لج غير هالطاري
.
.
عنود إصحي خلاص إصحي يابنت شفيج جنيتي؟
::
::
::
أنا؟
شفيني؟؟
عسى ماشر .. عسى ما بحت بـ أسراري!!
.
.
يا يمه إلحقي شعري يا يمه الحقي صيتي
ترى شكلي بجيب العيد وانسف كل مشواري
.
.
يا يمه إعذري قلبي وانا ادري فيج مليتي
ولكن حالتي هذي ترى من شوقي وناري
.
.
انا اذكر كان يتلخبط يقول انتي وحشتيتي !!
واحاول لو ارقّع له ولا تنفع به اعذاري
.
.
أقول انه خطا وارد أو أخت لـ نفرتيتي
ونفرتيتي مهي حولي ولا تدري بهوى داري
.
.
وأتم أردد لحالي : عنود شفيج حنيتي ؟؟
وتنزل دمعتي غصب ٍ على جرح ٍ غدى عاري ..!!
.
.
وأردد داخلي بيت ٍ احسه ما هو ببيتي !!
ولكني من احزاني كتبت بدفتر اشعاري :
.
.
(ياساكن في وسط عيني وقلبك (كان لي) بيتي
ألا يامالك حروفي ألا ياملهم افكاري) ......

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي