.. |[ من قصائد الشاعرة : العنود بنت ناصر ]| ..

.. |[ بذرة غلا ]| ..

.. |[ متى إشتقت؟؟ ]| ..

:: -------------------------------------- ::

ما تهزك اشواقي ولا شفتك اشتقـــت ؟
وانته تساوي في عيوني خــــلايق !!
.
.
تدري يمر الوقت ماحس بالـــــوقت ..
واذا انتظرتك قمت احســب الدقايق
.
.
حلفت لك وان كان صدقت !! صدقت
وان كان ما صدقـــت عندي وثايق
.
.
والله بخفوقي يا حبيبي تعمــــــقت
عرفت في بعدك جميع الحقايـــق
.
.
انك بوسط الروح جيت وتــــــــوثقت
واني اعيش الفرح لا صرت رايق
.
.
واني لغير رضاك ما عمري انسقت
يسوقني لرضاك مليون ســـــايق
.
.
ملزومة ٍ بك دامنــــــي قد تــعلقت !!
وفيني ترى ملزوم مادمــــــت لايق
.
.
يا شمس عمري دامك بعمري اشرقت
ليه الجفا من بيننا صــــار عايق؟؟
.
.
ممكن تذكرني حبيبي متى اشتقت؟؟
ونذر ٍ علي لاعاف كل الخـــــلايق !!

:: -------------------------------------- ::

إضغط هنا لإرسال تعليقك على القصيدة

الرئيسية :: انعكاس :: صدى الروح :: متاهاتي :: فضائاتي :: بصماتكم :: منكم لي